അന്താരാഷ്ട്ര ടി20യില് 50 വിക്കറ്റുകള് തികച്ച് ഇന്ത്യയുടെ മിസ്റ്ററി സ്പിന്നര് വരുണ് ചക്രവര്ത്തി. ടി20യില് അതിവേഗം 50 വിക്കറ്റുകള് തികയ്ക്കുന്ന രണ്ടാമത്തെ ഇന്ത്യന് താരമെന്ന നേട്ടവും 34 കാരൻ സ്വന്തമാക്കി.
30 മത്സരങ്ങളില് നിന്നു 50 വിക്കറ്റുകള് തികച്ച കുല്ദീപ് യാദവാണ് റെക്കോര്ഡ് പട്ടികയില് ഒന്നാമത്. വരുണ് 32ാം മത്സരത്തിലാണ് നേട്ടം സ്വന്തമാക്കിയത്.
ദക്ഷിണാഫ്രിക്കയ്ക്കെതിരായ മൂന്നാം ടി20യില് ഡോണോവന് ഫെരെയ്രയെ പുറത്താക്കിയാണ് വരുണ് വിക്കറ്റ് നേട്ടം 50ല് എത്തിച്ചത്. പിന്നാലെ താരം മാര്ക്കോ യാന്സനേയും പുറത്താക്കി. മത്സരത്തില് 4 ഓവര് പന്തെറിഞ്ഞ വരുണ് 11 റണ്സ് മാത്രം വഴങ്ങിയാണ് 2 വിക്കറ്റുകള് നേടിയത്.
ഈ പരമ്പരയിൽ മൂന്ന് മത്സരങ്ങളിൽ നിന്ന് ആറ് വിക്കറ്റുകൾ ഇതിനകം വീഴ്ത്തി. നിലവില് മൊത്തം 32 കളിയില് 51 വിക്കറ്റുകള് നേടിയിട്ടുണ്ട്. ഐസിസി ടി20 ബൗളര്മാരുടെ റാങ്കിങില് നിലവില് ഒന്നാം സ്ഥാനത്ത് കൂടിയാണ് വരുണ്.
Content highlights: Varun Chakaravarthy Becomes 2nd Fastest Indian Bowler to brake these records